Мусобақалар тақвими

    Тақвим

    Сайт бўйича қидирув

    Спонсорлар

    Спонсоры

    Янгиликлар

    Наврўз байрами билан муборакбод этамиз!


     
    Ўзбекистон бокс Федерацияси ва Ўзбекистон Республикаси боксни ривожлантириш қўллаб-қувватлаш жамғармаси халқимизни Наврўз айёми билан муборакбод этади!
    Ушбу  мунаввар  кунда  барчангизга  саломатлик,  оилангизга  тинчлик  ва осойишталик,  Ватанимиз  равнақи  йўлида  амалга  ошираётган  саъй-ҳаракатларингизга  омад  ва  улкан  ютуқлар  тилаб  қоламиз.
    Подробнее

    Сакен Полатов Ойбек Касимов билан бирга Андижон ихтисослаштирилган олимпия захиралари мактаб-интернатига борди


    Хабар бериб ўтганимиздек, Андижон шаҳрида Ўзбекистон бокс федерациясининг сайёр йиғилиши бўлиб ўтди.
    Мазкур тадбирдан сўнг, Ўзбекистон бокс федерацияси раисининг биринчи ўринбосари Сакен Полатов ҳамда Жисмоний тарбия ва спорт вазирининг биринчи ўринбосари Ойбек Касимов Андижон ихтисослаштирилган олимпия захиралари мактаб-интернатида бўлишди.
    Мутасаддилар у ерда бокс билан шуғулланиш учун яратилган шароитлар билан танишишди, ёш боксчиларнинг машғулотларини кузатиб, улар билан мулоқот қилишди. Боксни янада ривожлантириш учун зарур шарт-шароитларни яратиш, қолаверса шаҳарда бокс марказини бунёд этиш масалалари муҳокама қилинди. Ишни ташкил қилиш давомида юзага келган камчиликлар таҳлил қилинди. Муаммоларни бартараф этиш бўйича тегишли кўрсатмалар берилди. Ташриф давомида ёш боксчилар билан эсдалик учун суратга тушишди.
    Шунингдек, улар яккакураш турларига ихтисослаштирилган спорт мактаби ҳамда "Соғлом Авлод" стадионида ҳам бўлишди.
     
    Ўзбекистон бокс федерацияси матбуот хизмати
    Подробнее

    Ўзбек боксида илк маротаба: Андижонда Ўзбекистон бокс федерациясининг сайёр йиғилиши бўлиб ўтди


    Сизга яхши маълумки, Андижон бокс мактаби нафақат юртимизда, балки жаҳон миқёсида ўзига хос нуфузга эга. Ушбу вилоят бокс мактаби ўзбек спортига Олимпия чемпионлари, Жаҳон ва Осиё чемпионати ғолибларини тақдим этган.
    Кеча, 18 март куни Ўзбекистон бокс федерациясининг сайёр йиғилиши ҳам айнан Андижон шаҳрида ташкил этилди. Федерация тарихида илк маротаба ўтказилган бундай йиғилишда Ўзбекистон Жисмоний тарбия ва спорт вазирининг биринчи ўринбосари Ойбек Касимов, Ўзбекистон бокс федерацияси раисининг биринчи ўринбосари Сакен Полатов, Андижон вилояти ҳокимининг биринчи ўринбосари Абдужаббор Эгамбердиев, Ўзбекистон бокс федерациясининг Андижон, Фарғона ва Наманган вилояти бўлимлари мутасаддилари ҳамда оммавий ахборот воситалари ходимлари иштирок этишди. Йиғилиш кун тартибида кўплаб масалалар кўриб чиқилди.
    Тадбирда вилоят ҳокимининг биринчи ўринбосари Абдужаббор Эгамбердиев сўзга чиқар экан, сўнгги йилларда вилоятда бокс йўналишида амалга оширилган ишлар, қўлга киритилган ютуқлар ҳақида гапирди. Олдинда турган Токио 2020 Олимпиадасида ҳам муваффақиятли иштирокни давом эттириб, вилоят ҳокимлиги боксчилар учун етарли шароитлар яратиб беришга тайёр эканлигини айтиб ўтди.
    Подробнее

    Аёллар ва эркаклар ўртасидаги Жаҳон чемпионатларига Россия давлати мезбонлик қилади.


    Аёл боксчилар ўртасидаги навбатдаги Жаҳон чемпионати жорий йилнинг 3-13 октябр кунлари Бурятия Республикасининг Улан-Удэ шаҳрида ўтказилиши маълум бўлди. Халқаро бокс ассоциацияси (AIBA) мусобақалар тақвимидан жой олган мазкур дунё биринчилигида сайёрамизнинг 50 га яқин мамлакатлардан етакчи чарм қўл қоп усталари иштирок этишади. Маълумот ўрнида аёллар орасидаги Жаҳон чемипонати 2001 йилдан бери ташкил этиб келинади. Эслатиб ўтамиз, Х - Жаҳон чемпионатига Ҳиндистон мезбонлик қилган. Айтиш керак Россияда шунингдек эркаклар ўртасидаги Жаҳон чемпионати ҳам 7-21 сентябр кунлари Екатеринбург шаҳрида бўлиб ўтади.
    Подробнее

    Тез кунда бокс бўйича аёллар терма жамоасига муносиб номзодлар сараланади


      Шу йилнинг 4-9 феврал кунлари Жиззах вилоятида 2001-2002 туғилган ёшлар ва катталар ўртасида  Ўзбекистон чемпионати ўтказилади. Ўзбекистон бокс федерацияси ҳамда Ўзбекистон Республикаси жисмоний тарбия ва спорт вазирлиги билан хамкорликда ташкил этилаётган мазкур чемпионатда юртимизнинг барча вилоятлари, Қорақалпоғистон Республикаси шунингдек Тошкент шаҳридан 14 жамоа, жами 150 нафардан зиёд боксчиларнинг иштирок этиши кутилмоқда.  
    Подробнее

    2019-йилги мавсум бошланиш арафасида


     Айни  кунларда  етакчи бокчиларимиздан ташкил топган биринчи, иккинчи ва учинчи таркиб  жамоамиз аъзолари Тошкент вилояти, Янгиобод ўқув базасида жорий йилнинг илк халқаро мусобақаси олдидан тайёргарликнинг дастлабки босқичини  ўтказишмоқда.  Машғулотлар вақтида спортчилар ўзларининг умумжисмоний ҳолатларини яхшилашга эътибор беришган.  Терма жамоа мураббийларининг таъкилашича бу йилги мавсум ўта жиддий бўлиб боксчиларимиз Осиё чемпионати ва дунё биринчилигида  иложи борича кучлилар қаторидан жой олиш учун харакат қилишлари керак бўлади. Чарм қўл қоп усталаримиз йиғиннинг дастлабки босқичини  20 январ куни тугатишади. Сўнгра  орадан бир хафта ўтиб иккинчи босқич машғулотларини   ҳам айнан  Янгиобод  ўқув базасида  давом эттиришади.   
    Подробнее

    Ўзбекистон чемпионати - янги номларни кашф этади


      “Шарқ гавҳари”  дея  ном олган  Самарқанд  шаҳри бугундан бошлаб бокс бўйича катталар ўртасидаги  Мамлакат чемпионатига мезбонлик қилади. Ўзбекистон бокс федерацияси  мусобақалар тақвимидан олган жорий йилнинг сўнгги мусобақаси ҳисобланмиш   ушбу чемпионатда юртимизнинг етакчи чарм қўл қоп усталари қатори  ёшлар ҳам асосий таркибдан жой олиш учун рингга кўтарилишади. Янги ўзгаришлар низомига кўра   боксчилар 52,57,63,69,75,81,91, ва  +91 кг  вазн тоифаларида баҳс олиб боришади. Айтиш керак мусобақа кунининг ўзида спортчилар тарозидан ўтишади. /Аввалари тарозидан ўтиш бир кун аввал бўлган/ Хуллас бокс мухлислари 10-17 декабр кунлари  шиддатли жангларнинг гувоҳига айланиши мумкин. Мамлакат чемпионатида  тажрибали ва халқаро майдонларда ўз сўзларини айтаётган  чарм қўл қоп усталаримиздан Хасанбой Дўсматов, Миразиз Мирзахалилов, Шунқор Абдурасулов, Бобоусмон Ботуров, Иқболжон Холдоров, Жасур Латиповларнинг иштирок этиши кутилмоқда.
    Подробнее

    Жорий йилги мавсумнинг сўнгги мусобақалари


    1-8 ноябр кунлари Фарғона вилоятининг Марғилон шаҳри 2001-2002 йилларда  туғилган ёш чарм қўл усталари ўртасида Ўзбекистон кубоги баҳсларига мезбонлик қилади.  Мусобақада  юртимизнинг барча вилоятларидан иқтидорли боксчилар 8 кун давомида  11 вазн тоифасида ғолиблик учун рингга кўтарилишади. Ўзбекистон ёшлар терма жамоасига муносиб номзодларни аниқлаб берадиган мазкур турнир айтиш керак спортчилар учун бўлажак Халқаро турнирлар олдидан жиддий кўрик ва синов вазифасини ўтаб беради.

    Бокс муҳлислари  ёшлар орасидан  Ўзбекистон кубоги ғолиблигига кимлар муносиб  эканликларини билиб олганларидан сўнг 10-17 декабр кунлари Самарқанд шаҳрида катталар ўртасида ўтадиган Мамлакат чемпионати бахсларини кузатиб боришлари мумкин бўлади. Чемпионатда юртимизнинг кўзга кўринган чарм қўл қоп усталари 8 вазн тоифасида  терма жамоа сафидан жой олиш учун харакат қилишади. Эслатиб ўтамиз асосий таркибга муносибларини  саралаб  берадиган  ушбу Республика чемпионати  8 вазн тоифасида ташкил этилади.  
    Подробнее

    Ғалабали одимлар давом этмоқда


    Аргентинанинг  Буэнос-Айрес шаҳри  6-18 октябр кунлари 3- ўсмирлар олимпиадасига мезбонлик қилди. Ушбу катта спорт форумида  206 мамлакатдан 3998 нафар ёш атлетлар 241 та медаллар жамланмаси учун бахс олиб боришди.  Якуний натижаларга кўра   спортчиларимиз  томонидан  умум  ҳисобда 16 та медал шулардан   5 та олтин, 4 та кумуш ва 7 та бронза қўлга киритилган бўлиб спортчилар орасида умидли ёш чарм қўл қоп усталаримиз   ҳам  1 та олтин ва 2 та кумуш медалга эга чиқишди. Жумладан ўз вазн тоифасида  Абдумалик Халаков барча рақибларини енгиб шоҳсупанинг юқори поғонасига кўтарилган бўлса Тимур Мержанов билан  Жаҳонгир Раҳмоновлар бронза медаллари соҳиби бўлишди. Биз умидли спортчиларимизни ғалабалари билан қутлаб қоламиз ва маълумот ўрнида айтиб ўтмоқчимиз делегациямиз аъзолари  21 октябр  тунда  юритимизга қайтиб келишади. 
    Подробнее

    Россияда иштирок этган спортчилар Қозоғистон турнирида қатнашади


    5-11 июн кунлари Қозоғистоннинг Остона шаҳридаги  “Даулет”спорт мажмуаси   бокс бўйича “Президент кубоги” халқаро турнирига мезбон қилади. Мусобақада 15 дан ортиқ мамлакатлардан етакчи чарм қўл қоп усталари рингга кўтарилишади. Турнирда эркаклар одатга кўра  10 та аёллар эса  4та яъни 51, 57, 60 ва 75 кгм вазн тоифасида баҳсларга киришади. Мазкур бокс байрамида  аёллар терма жамоамиз аъзоларидан 51 кгда Турсуной Раҳимова, 57 да  Осиё чемпионати совриндори Ёдгорой Мирзаева, 60 кгмда Райҳона Қодирова, эркаклар ўртасида эса  ўз вазнларида Ҳасанбой Дўсматов,Жасурбек Латипов, Шаҳобиддин Зоиров,Миразизбек Мирзаҳалилов, Шунқор Абдурасулов,  Алёр Норалиев, Иқболжон  Холдоров, Махмуд Ғоипов, Фазлиддин Мелибоев, Исроил Мадримов, Бектемир Мелиқўзиев, Санжар Турсунов, Улуғбек Мубинов юртимиз  спорт  шарафини ҳимоя қилишади. Биз етакчи чарм қўл қоп усталарига баҳсларда омад тилаб қоламиз.
    Маълумот ўрнида : Халқаро турнирда Алишер Полвонов бевосита хакамлик қилади.
    Подробнее

    Халқаро турнир муваффақиятли якунланди


    Россиянинг Санкт-Петербург шаҳрида бокс бўйича халқаро «Губернатор кубоги»  турнири ниҳоясига етди.  Турнир бошиданоқ  пешақадамлар рўйҳатида борган жамоамиз аъзолари бу сафар ҳам кучлилар қаторидан жой олишди.  Мусобақанинг финалида жами 7 нафар боксчимиз  олтин медал учун рингга кўтарилди. Натижаларга кўра 49 кгм вазн тоифасида Ҳасанбой Дўсматов рақиби мезбон спортчи  Батор Сагалуевга имкониятни бой берди. Шунингдек 60 кгмда Шонқор Абдурасулов ҳам кумуш медали билан кифояланди.  56 кгмда  Миразиз Мирзахалилов, 75 кгмда Исроил Мадримовлар  олтин  медалларни жамоа ҳисобига қўшиб қўйишди. 81 кгмда Бектемир Мелиқўзиев ҳам рақибини рингдан бош эгиб чиқиб кетишга мажбур қилди. Оғир вазнда баҳсларга киришган Баҳодир Жалолов эса жангни муддатидан илгари ўз фойдасига ҳал қилди.     Шундай қилиб  халқаро турнир  якунига кўра 4 та олтин, 5 та кумуш, 8 та бронза медали билан россия жамоаси  биринчи, 4 та олтин, 3 та кумуш, 3 та бронза медали билан ўзбекистонлик боксчилар иккинчи ва 1 та кумуш, 2 та бронза натижаси билан қозоғистонлик спортчилар учинчи ўринни эгаллашди.
    Подробнее

    Ғалаба муборак !!!


    Аввал хабар берганимиздек, Бангкок шаҳрида бокс бўйича Осиё чемпионати  кучлиларни саралади  Рингга кўтарилган ёшларимиз  1 та олтин, 4 та кумуш ва 3 та бронза медалини қўлга киритиб,  кеча тунда  юртимизга қайтиб келишди.
    Соат 23:30
    Осиё чемпионати иштирокчиларини Ислом Каримов номидаги Тошкент халқаро аэропортида Ўзбекистон  бокс федерацияси мутахассислари, ота-оналар, бокс мухлислари ва  оммавий ахборот воситалари ходимлари тантанали равишда кутиб олишди. Ўзгача шодиёналик....Бугунги кунда дунёда ўзбек бокси номини улуғлаб келаётган етакчи чарм қўл қоп усталарига муносиб номзодлар камол топаётганига яна бир ишонч, яна бир қадам қўйилди десак хато қилмаган бўламиз.   Осиё чемпионатида спортчиларимиздан Жаҳонгир Раҳмонов 69 кг, Наво Тамазов  75 кг ва Маҳлиё Раҳимова 60 кг бронза медалларни қўлга киритган бўлса, Самандар Холмуродов 52 кг, Темур Мержанов 81 кг, Жавоҳир Тоғаймуродов -91 кгда  ва  Жамшидбек Маҳмадалиев -91 кг кумуш медалга сазовор бўлди.  Терма жамоамизга ягона олтин медални 56 кгмда Абдумалик Халоков тақдим этди.  Энди ёш боксчиларимиз бироз танаффусдан сўнг бўлажак мусобақаларга тақёргарликни бошлайдилар....
    Подробнее

    Осиё чемпионати совриндорлари аниқланмоқда


    Бугун  Таиландда бокс бўйича ёшлар ўртасида ўтаётган Осиё чемпионатида финал беллашувлари бўлиб ўтмоқда.Мусобақанинг кундузги қарама-қаршиликларида икки нафар боксчимиз олтин медаллар учун рингга кўтарилди. 52 кг вазн тоифасида Самандар Холмуродов мезбонлар вакили Суктет Суравет билан куч  синашиб Осиё чемпионатининг кумуш медали билан тақдирланган бўлса, 56 кг вазнда Абдумалик Халоков филиппинлик Кристиан Лаурент Питтни рингдан бош эгиб чиқиб кетишга мажбур қилди ва қитъа биринчилигининг  дастлабки олтин медалини делегациямиз ҳисобига қўшиб қўйиш билан бирга ўсмирлар олимпиадасига ҳам йўлланмани нақд қилди... Биз Республика олимпия захиралари коллежи ўқувчисини ушбу ғалаба билан қутлаб қоламиз.  Энди кечки финал жангларида уч нафар боксчимиз рингга кўтарилади.

    -81 кг: Темур Мержанов (Ўзбекистон) – Тогамбай Сагиндик (Қозоғистон)
    -91 кг: Жавоҳир Тоғаймуродов (Ўзбекистон) – Айбек Оралбай (Қозоғистон)
    +91 кг: Жамшидбек Маҳмадалиев (Ўзбекистон) – Дамир Тоибай (Қозоғистон)
    Подробнее

    Осиё Чемпионати – лицензион мусобака


     Бокс бўйича Ўзбекистон ёшлар терма жамоаси  Таиланднинг Бангкок шаҳрида 2000-2001 йилларда туғилган йигит-қизлар ўртасидаги Осиё чемпионатидаги иштирокларини бошлаш арафасида туришибди. Мазкур нуфузли спорт анжуманида қитъамизнинг турли мамлакатларидан жами 160 нафар ёш боксчилар ва 70 нафар қизлар совриндорлар сафидан жой олиш учун харакат қилишади. Айнан ушбу чемпионат  ўсмирлар олимпидасига йўлланма бериши билан ҳам ахамиятлидир ва табиийки барча иштирокчи давлатларнинг иқтидорли чарм қўл қоп усталари  йўлланмаларни қўлга киритиш учун астойдил харакат қилишади. Мусобақада мамлакатимиз шарафини ўғил болалар ўртасида (49 кг)да Содирбек Камолмирзаев, (52 кг)да  Самандар Холмуродов, (56) кг вазнда Абдумалик Халоков, (60 кг) Рамазон Зиятов, (64 кг) Ҳалимбек Ўтегенов, (69 кг) Жаҳонгир Раҳмонов, (75 кг) Наво Тамазов, (81 кг) Тимур Мержанов, (91 кг)да  Жавоҳир Тоғаймуродов шунингдек (+91кг)да Жамшидбек Маҳмадалиев. Қизлар ўртасида Хурсандой Холматова (51 кг), Мафтуна Файзуллаева (54 кг), Насиба Хайруллаева (57 кг), Маҳлиё Раҳимова (60кг), Навбаҳор Ҳамидова (75 кг) ҳимоя қилади. Мураббийлар биргадасида тажрибали мухатассилар Тангрибергенов Хамид, Қўчқоров Лочин, Ғофуров Даврон, Хидиров Бекзод, Қиличев Фаррух, Эшқуватов Шерзодлар ўрин олган. Осиё чемпионати хакамлари таркибидан Бегжон Юсупов ҳам жой олган. Биз умидли боксчиларимизга жангларда омад тилаб қоламиз! Эслатиб ўтамиз эртага Осиё чемпионатининг очилиш маросимидан сўнг  саралаш учрашувлари бошланади.
    Подробнее

    Ғалаба биз томонда 4:1


    Якунланиб бораётган хафта бокс мухлисларга қувончли онларни тақдим этди. 27 феврал куни  етакчи чарм қўл қоп усталаримиз Кубалик спортчиларга қарши жангда 4:1 ҳисобила ғалабасини нишонлаган бўлсалар куни кеча 1 март куни кеч оқшомда  “Uzbek Тigers” ва Колумбиянинг "Colombia Heroicos" жамоалари билан рўбарў келишди.  "Унверсал" спорт мажмуаси мезбонлик қилган баҳснинг 52 кг вазн тоифасида  ўтган йили Сурхондарё мезбонлик қилган Мамлакат чемпионатида биринчи ўринни эгаллаб терма жамоа сафига қўшилган Худойназар Файзов - Кейбар Авилага қарши рингга кўтарилди. Лекин тажриба ўз сўзини айтди ва Файзовнинг рақиби Колумбия жамоасига ғалаба олиб келди.  60 кгда  Шунқор Абдурасулов - Дуван Зулета ўртасидаги жангда Абдурасулов рақибига ҳеч қандай имконият қолдирмай ҳисобни 1:1 кўринишига олиб келди. Шундан сўнг 69 кгда баҳсларга киришган  Маҳмуд Ғоипов ва Александр Ранхел баҳси кутилганидек  ажойиб тарзда ўтди. Боксчимизнинг колумбиялик рақиби тўртинчи раундда маглубиятини тан олиб жангни давом эттира олмади. Шундан сўнг тажрибали спортчимиз  жаҳон рингларида ҳамиша ғалабага эришиб келаётган   81 кг вазн тоифасидаги   Бектемир Мелиқўзиев - Диего Мотоа билан жанг олиб бориб томошабинларга бокс санъатини моҳирона намойиш эта олди ва жамоа учун муҳим бўлган муваффақиятни олиб келди. Шу куннинг сўнгги учрашуви  +91 кг тоифасидаги боксчилар  Баҳодир Жалолов  ва  Кристиан Салкедо ўртасида кечди. Тажриба борасида анча маҳоратга эга бўлган икки чарм қўл қоп устаси ҳам ғалаба иштиёқида жангларга киришди ва якуний натижага кўра Жалолов мухлислар ишончини оқлади. Манашу тариқа ўзбек ўғлонлари  4:1 ҳисобида ғалабасини нишонлашди.  Ғалаба муборак!!! Балли - Ўзбек йўлбарслари... 
    Подробнее

    Навбатдаги учрашув арафасида


    Хабарингиз бор, эртага Uzbek Tigers жамоаси WSB VIII мавсум гуруҳ босқичи 3- турида Колумбиянинг "Colombia Heroicos" боксчиларини синовдан ўтказади. Шу муносабат билан бугун "CITY PALACE" меҳмонхонасида матбуот анжумани ҳамда тарозидан ўтиш маросими ўтказилди. Анжуманда сўз олган турнир ташкилотчилари мусобақани ҳар томонлама юқори савияда ўтказиш учун тайёргарлик ишлари қизғин олиб борганлигини таъкидлаб, оммавий ахборот воситалари ходимлари қизиқтирган саволларга атрофлича жавоб беришди. Айтиш керак 1 март куни ўтадиган бу  учрашувда боксчилар52, 60, 69, 81 ва +91 кг вазн тоифасида  рингга кўтарилишади.

    Баҳсларда

    52 кг: Худойназар Файзов - Кейбар Авила
    60 кг: Шунқор Абдурасулов - Дуван Зулета
    69 кг: Маҳмуд Гаипов - Александр Ранхел
    81 кг: Бектемир Мелиқўзиев - Диего Мотоа
    +91 кг: Баҳодир Жалолов - Кристиан Салкедо ўз маҳоратини намойиш этади.

    Эслатиб ўтамиз, бокс кечаси таэквандо WTF федерациясига қарашли "Универсал" спорт саройида ташкил этилади.
    Подробнее

    Ажойиб бокс кечаси


    27 феврал санасида ўтган Бокс кечаси. Мухлислар орзиқиб кутган бахслар….WSB сериясига кирувчи мусобақада иштирок этаётган «UzbekTigers» ва «CubaDomadores» жамоалари ўртасидаги учрашувнинг дастлабки жангида Рио олимпиадаси ғолиби, жаҳон рейтингида  -49 кг вазн тоифасида  етакчи бўлиб турган хамюртимиз  Ҳасанбой Дўсматов  Йоҳаннес Аргилагосга қарши рингга кўтарилди.  5 раунд давом этган жангда Дўсматов яққол устунлик қилди ва 3:2 хисоби билан илк ғалабани жамоага тақдим этди.  Навбатдаги жанг -56 кг вазн тоифасидаги боксчилар ўртасида ўтди. Унга кўра Рио олимпиадаси ғолиби ва бироз танаффусдан сўнг ўз ўрнига қайтган  Шаҳобиддин Зоиров рақиби  Робейси Рамиресни имкониятсиз қолдиришнинг уддасидан чиқа олди ва жамоа ҳисобига иккинчи ютуқни қўшиб қўйди. Навбатдаги жангнинг  -64 кг вазн тоифасидаги бахсида  иқтидорли  боксчимиз  Жаҳон чемипонати совриндори Иқболжон Холдоров «Cuba Domadores» вакили Энди Крузга қарши рингга кўтарилди. Беш раунд давомида муросасиз ўтган жанг натижасига кўра рефери  мехмон боксчининг қўлини кўтарди. Ушбу жангдан сўнг «Uzbek Tigers» - «Cuba Domadores» жамоалари ўртасидаги ҳисоб 2:1 кўринишини олди. Навбатдаги жангда 75 кг вазнда  мухлисларнинг эркатойи бўлган, тажрибали спортчи, Жаҳон кубоги соҳиби - Исроил Мадримов ўзи сингари маҳорат борасида анча  тажрибага эга бўлган  Арлен Лопесни  рингдан бош эгиб чиқиб кетишга мажбур қилди ва умумжамоа ҳисоби 3:1 кўринишини олди.  Кечанинг сўнгги жангида -91 кг вазн тоифасида Санжар Турсунов, Эрисланди Савонга қарши рингга кўтарилди. Айтиш керак бу икки боксчи ҳам аввал учрашишган ва унга кўра мехмон спортчининг қўлит баланд кўтарилган эди. Лекин ўтган вақт мобайнидрақиби тактикасини анча ўрганиб олган Санжар   беш раунд давомида керакли очкони жамғаришнинг уддасидан чиқа олди ва кубалик рақибидан реванш олди. Шундай қилиб бу учрашув 4:1 хисоби билан  «Uzbek Tigers» жамоаси фойдасига ҳал бўлди.
    Подробнее

    "Uzbek Tigers" ўз юришини давом эттиради


    Бугун пойтахтимиздаги “Сити палас” меҳмонхонасида 27 феврал куни ўтказиладиган учрашув олдидан матбуот анжумани ташкил этилди.  Бутунжаҳон бокс серияларида Ўзбекистон шарафини ҳимоя қилаётган "Uzbek Tigers" жамоаси гуруҳдаги 2- учрашувда  “Cuba Damodores” жамоасига қарши рингга кўтарилади.   Шу муносабат билан ўтказилган матбуот анжуманида кенг спорт жамоатчилиги,  спортчилар ва оммавий ахборот воситалари ходимлари иштирок  этишди. Тадбирда сўз олган жамоаларнинг мураббийлари  боксчилар  баҳслар  учун жиддий тайёргарлик кўрганлиги ва ҳар бир жанг муросасиз ўтишини таъкидлашди. Шундан сўнг вазн ўлчаш маросими бўлиб ўтди. Айтиш керак "Uzbek Tigers" жамоасининг  С-1 гуруҳида ўз вазнларида  Рио олимпиадаси ғолиблари  Ҳасанбой Дўсматов, Шахобиддин Зоиров, жаҳон чемпионати совриндори Иқболжон Холдоров, осиё чемпиони  Исроил Мадримов, Жаҳон чемпионати совриндори Санжар Турсуновлар  рингга кўтарилишади. Биз бокс муҳлисларни юртимизнинг етакчи чарм қўл қоп усталарини қўллаб-қувватлашга чорлаймиз.   Бокс кечаси пойтахтимизнинг мухташам “Универсал” спорт мажмуасида  ўтказилади.    
    Подробнее

    Ўзбекистонлик машҳур боксчилар нафақат Тошкентда, балки вилоятларда ҳам ўз жангларини ўтказади

    Uzbek Tigers жамоаси боксчиларининг Термиз шаҳрида ўтиши режалаштирилган WSB таснифидаги жанглари пойтахт Тошкентга кўчирилгач, айрим нашрлар бунга ўз муносабатини билдирди. Мазкур ҳолатни инобатга олган Ўзбекистон бокс федерацияси вазиятга изоҳ беришга қарор қилди.

    WSB мусобақасининг ўтган мавсумида Uzbek Tigers жамоаси Кубанинг машҳур Cuba Domadores клубини Самарқанд шаҳрида қабул қилиб, 3:2 ҳисобида зафар қучган ва ўзбекистонлик чарм қўлқоп усталарига катта қувонч улашганди. Шундан кейин жаҳон даражасида тан олинаётган боксчиларнинг қолган вилоятларга ҳам ташрифи режалаштирилди.

    Cuba Domadores жамоасига қарши бу сафарги жанг Термиз шаҳрига тақдим этилганди. Бироқ яқиндагина Тошкентга ташриф буюрган AIBA вакиллари Миллий олимпия қўмитаси раҳбарияти билан учрашувда бўлиб, WSB обрўсини кўтариш масаласида ўзаро ҳамкорлик қилишни сўради. Бунда телетрансляция масаласи катта ўрин тутиши, шунингдек, ринг ва унинг атрофидаги ҳолатнинг талаб даражасида бўлиши муҳим аҳамият касб этиши таъкидланди.

    Мазкур учрашувдан кейин бокс федерацияси МОҚ билан ўзаро маслаҳатлашиб, Cuba Domadores ҳамда Colombia Heroicos клубларига қарши икки кун оралиғида ўтадиган жангларни Тошкентга кўчиришга қарор қилди. Бунда биринчи навбатда телетрансляция масаласи ва унинг сифати ҳисобга олинди. Шунингдек, биз билан илиқ муносабатларни йўлга қўяётган AIBA вакилларида яхши таассурот қолдирган ва шароитлари қониқарли бўлган “Универсал” спорт мажмуаси вариантида тўхталинди.

    Термиз учун ваъда қилинган жанглар эса 6—7 апрель саналарига режалаштирилмоқда. Шу куни WSB гуруҳ босқичининг 4-тури доирасида Венесуэла боксчилари Uzbek Tigers клубига қарши рингга чиқади. AIBA таклифи бўйича, Термиздаги бокс кечасига жиддий тайёргарлик кўрилади. Телетрансляция ва ташкилотчилик юқори савияда бўлиши учун бироз вақт кераклиги инобатга олиниб, федерация бокс кечасининг санасини ўзгартирди, манзил эса сақлаб қолинди.

    Ўз навбатида МОҚ раҳбарияти ҳам нафақат вилоятлардаги бокс мухлисларини хушнуд этиш, балки Ўзбекистоннинг жаҳонда тутган ўрни ва мамлакатда спортга бўлаётган эътиборни муносиб тарзда намойиш қила олиш талабини қўйган. Унга кўра, Ҳасанбой Дўстматов, Шаҳобиддин Зоиров, Иқбол Холдоров, Исроил Мадримов, Баҳодир Жалолов каби машҳур боксчиларнинг вилоятларда жанг ўтказиш анъанаси сақлаб қолинади. Бироқ ҳамма нарса пухта режа ва юқори ташкилотчилик асосига қурилиши керак бўлади.

    Cuba Domadores ҳамда Colombia Heroicos клубларига қарши жанглар 27 февраль ва 1 март саналарида ўтади. МОҚ таклифи билан бокс оқшомига Тошкент шаҳридаги имконияти чекланган шахслар учун ихтисослаштирилган республика касб-ҳунар коллежи, 100-сонли полимилит таянч ҳаракати бузилган болалар интернати ҳамда 23-сонли меҳрибонлик уйи тарбияланувчилари ташриф буюради. Уларни “Универсал” спорт саройига олиб келиш учун махсус автобуслар юборилади.

    Ўз навбатида кейинчалик ҳам вилоятларда ўтадиган жангларни томоша қилиш учун юқоридаги каби имконияти чекланган болаларни ўз бағрига олган масканларда шароит бўлади. Uzbek Tigers жамоаси гуруҳ босқичини муваффақиятли босиб ўтиб, чорак финалга йўл олса, Самарқанд ва Термиздан кейин, қолган машҳур шаҳарлар ҳам бокс кечаларига мезбонлик қилиш ҳуқуқини қўлга киритади.

    Подробнее

    Тез орадаОсиё ўйинларида қатнашадиган боксчиларимиз номи маълум бўлади.....


    6-11 феврал кунлари Бухоро вилояти мезбонлик қиладиган  Республика  биринчилиги орқали    аёллар ва ёшлар  орасидан Мамлакат терма жамоасига муносиб нозодларни саралаб беради. Мусобақалар юртимизнинг барча вилоятларидан боксчиларнинг иштирок этиши кутилмоқда. Дастурга кўра аёллар 11 вазнда ёшлар эса 10 та вазн тоифасида ғолиблик учун рингга кўтарилишади. Мутахассисларнинг таъкидлаши бўйича мазкур турнирда кучли учликдан ўрин эгаллаган  чарм қўл қоп усталари халқаро мусобақалар ва қитъа биринчиликларида қатнашиш хуқуқига эга бўлишади. Энг эътиборлиси эса манашу чемпионат жорий йил Индонезиянинг Жакарта шаҳрида ўтказиладиган навбатдаги Осиё ўйинларида қатнашувчи аёллар терма жамоамиз аъзоларини ҳам аниқлаб беради.
    Подробнее
    
    Страницы: 12345 ... 18Следующая
    

    Бокс тарихи

    Боксни ривожлантириш қўллаб - қувватлаш жамғармаси

    Ҳалқаро Бокс Уюшмаси

    Боксни қаерда ўрганса бўлади

    Ўзбекистон боксни ривожлантириш қўллаб - қувватлаш жамғармаси ёрдамида

    Сайтни яратиш Brand.uz